Zesarea osteko erditze baginala

Zesarea izan ondoren, ebidentzia zientifikoak dio, hobe dela beti, erditze baginala saiatzea, haurra zein amarentzat hobea delako.

Zesarea izan duten emakume askok, beldurrak, minak, zalantzak… izaten dituzte. Horiei erantzun eta babes sare bat osatzen du El Parto Es Nuestro elkartearen Apoyocesareas zerrenda irekiak. Edonork eman dezake izena eta bertan parte hartu.

Hau, zesarea osteko erditze baginalaren inguruko bideo zoragarria da. (gazteleraz)

Ingelesezko artikulu honetako zenbait datu garrantzitsu Zesarea Osteko Erditze Baginalaren inguruan:

-Zesarea osteko erditze baginalaren lortze tasa: 72-76% (RCOG, 2007).
-Umetokia hausteko arriskua:  0.2% (Fitzpatrick et al. 2012).
– Aurrez zesarea bat, bi edo gehiago izan, umetokia hausteko arriskua ez da asko aldatzen (RCOG,20007).
– Umetokiaren hausturak eragindako amaren heriotza arriskua:  1 baino baxuagoa da 100.000 emakumeren artean (RCOG, 2007).
-Umetokiaren haustura haurraren heriotzen 5% -aren arrazoia da (Guise et al 2004).
– Haur 1-en heriotza ekiditeko  7142 zesarea elektibo egin behar dira -hau da, benetako arrazoi justifikaturik gabeko 7142 zesarea- (Guise et al 2004).

Hortaz, zesarea izan baduzu, ez ahaztu hurrengo haurrak erditzeko gai zarela kasurik gehienetan, eta erditze normalak arrisku baxuagoak eta albo ondorio baxuagoak dituela, bai ama zein haurrarentzat.

Hemen topatuko duzun informazioa orokorra da eta ez du ordezkatzen osasun zerbitzuetatik zure egoerarekiko jasorikoa. Zalantzarik baduzu, egizu kontsulta dagokion profesionalarekin.

× Zalantzarik?