Haurdunaldi froga noiz egin?

Haurdunaldi froga hilerokoa izan beharko litzateken hurrengo egunetik aurrera egin daiteke normalean. Botiketan saltzen diren probak (10-30 euro artean balio dute) gaur egun sentikortasun handikoak direnez, eguneko edozein txizarekin egin badaitezke ere, hobe da goizeko lehen txiza erabiltzea HGC hormona kontzentrazio handiagoan izango baitu.

HGC hormonak, hormona gonadotropinakorionikoak haurdunaldian giza gorputzean maila altuenak izaten ditu eta haurdunaldi probek hormona horren presentzia bilatzen dute.

Haurdunaldi proba positiboa bada, har ezazu hitzordua emaginarekin. Negatiboa bada, eta hilekorik 3-4 egunetan etorri ez bada, beste haurdunaldi proba bat egitea gomendatzen da, zenbaitetan proba goizegi egiteak okerreko emaitza negatiboa eman dezake eta. Bigarren proba hau ere negatiboa balitz, sendagilearengana joatea komeni da hilekorik eza zergatik gertatu den aztertzeko.

Hemen topatuko duzun informazioa orokorra da eta ez du ordezkatzen osasun zerbitzuetatik zure egoerarekiko jasorikoa. Zalantzarik baduzu, egizu kontsulta dagokion profesionalarekin.

× Zalantzarik?