Zer da haurdunaldia?

Haurdunaldia prozesu fisiologiko naturala, gaur egun, ernalkuntza lagundurako teknika desberdinen bidez ere eman daitekena da eta ernalduriko obulua inplantatzen denetik erditze arteko denborari deitzen zaio. Haurdunaldiaren helburua haurra ondo osatu eta jaio dadin da, eta horretarako, hasiera-hasieratik amaren gorputzean aldaketak ematen dira.

Haurdunaldi normalak, emakumearen azken hilerokoaren lehen egunetik 37-42 aste arteko iraupena izaten du. 37 aste bete aurretik edo 42 bete ondoren ere haurrak jaiotzen dira, baina horiek goiztiar edo berantiarrak direla esaten da.

Haurdunaldia, hiru zatitan banatzen da: 14 astera arteko denborari lehen hiruhilekoa deritzo, 14-28 asteen artekoari bigarren hiruhilekoa eta 28tik haurra jaio bitartekoari hirugarren hiruhilekoa.

Bataz beste, haurdunaldian zehar, emakumeak 12 kilo inguru hartuko dituela esaten bada ere, gaur egun, ez dago kilo kopuru “egokia” zein den zehazteko ebidentzia nahikorik, emakume batzuk 12 baina gutxiago eta beste zenbaitek gehiago hartzen dituzte haurdunaldi osasuntsuetan. Emakumearen ia organu guztien funtzionamenduan eragiten du (nerbio-sisteman, liseriketan, hezurretan, arnasketan, zirkulazioan, sistema hormonalean eta garunean besteak beste).

Prozesu konplexua da eta emakumearentzat berezia izaten da eta fisikoki, psikologikoki eta emozionalki eragiten dio.

Zenbait kulturetan, haurdun dagoen emakumea sakratu edo jainkosatzat hartzen da, bizi berri bat sortzen ari delako, eta erabateko babesa ematen zaio.

Hemen topatuko duzun informazioa orokorra da eta ez du ordezkatzen osasun zerbitzuetatik zure egoerarekiko jasorikoa. Zalantzarik baduzu, egizu kontsulta dagokion profesionalarekin.

× Zalantzarik?