Nola hautatu haur eramailea?

Haur eramailea hautatzeko orduan, faktore desberdinak hartu behar dira kontuan:

  • ERGONOMIA: erabiliko duzun haur eramailea ergonomikoa dela ziurtatu. Haurraren fisionomia zein eramailea errespetatu behar du. Haurraren bizkarraren C forma errespetatu behar du eta hanka “igel” moduan kokatu behar dira M bat osatuz (haurtxoaren belaunak bere aldakaren altueran edo gorago geratu behar dira), hau da, haurrak eserita joan behar du eta ez genitaletatik zintzilik.
  • EGOKITZEA: Haurra eta eramailearen gorputzak elkarren aurka geratu behar dute. Makurtu edo mugitzean haurra ez da eramailearen gorputzetik ia urrundu behar. Egokitzen ez den eramaile ergonomiko bakarra Pouch-a da, horregatik neurri egokikoa hautatu behar da.
  • ALTUERA: Haurra ia makurtu gabe musu emateko altueran kokatu behar da, hau da, haurra ez da bularrak baina beherago geratu behar. Honek, bere pisua eramailearen gorputzean zehar ondo banatuko du eta hortaz, bizkarreko edo gerriko minik ez du izango.
  • NOIZ ERABILIKO DA: emango zaion erabileraren arabera bat edo beste izan daiteke egokiagoa (egunerokotasunean eta denbora luzez erabiliko da, aulkitxoaren osagarritzat une puntualetan…). Hasieran gutxi erabiltzeko asmoa izan arren, asko dira probatu ostean ia etengabeko erabilera ematen diotenak, kasu horretan, egoera berrirako egokia den eramailea bilatzea gomendatzen da.
  • HAURRAREN ADINA ETA GAITASUNAK: haurraren adina edo gaitasunak (eserita mantentzen da, burua heltzeko gai da…) kontuan hartu dira haur eramaile egokiena hautatzeko orduan.
  • ERAMAILEAREN GAITASUNA: korapiloak egiteko gai zara edo nahiago duzu sistema automatikoagoa?
  • ERAMAILE KOPURUA: zenbat pertsonek erabiliko dute eramailea? Zenbait motetan neurri desberdinak daude eta oso garrantzitsua da eramailea erabiliko duten guztientzat egokia den neurria erabiltzea eramailearen ergonomia mantentzeko.

Ez dago formula magikorik. Haurraren eta zuen ezaugarrien arabera, haur eramaile mota bat edo beste gomendatuko dizuegu. Haur guztiak ezberdinak dira, guraso guztien beharrak ere bai. Batzuentzat egokiena dena, ez da erosoa besteentzat.

Hiru aukera dituzu: inprimaki erantzun eta ahalik eta erantzunik  egokituena ematen saiatuko gara, email bat bidali denda@sabeletikmundura.eus helbidera zure beharrak eta ezaugarriak azalduz ala aholkularitza pertsonalizatu bat kontrata dezakezu, online edo zure etxean.

 

 

× Zalantzarik?