Soinean… zoriontsu gara.

soineanerraz_1Haur jaioberriak jaiotzean espero duena etengabeko kontaktu fisikoa, mugimendua eta elikadura dira, sabel barruan zuenaren antzekotasun handiena duen egoera.

Ingurune hori eskainiko diogu soinean daramagun haurrari:

– Gorputz osoan sostengua sentituko du eta horrek babesa eta segurtasuna emango dizkio: sabel barnean umetokiarekin kontaktu etengabean zegoen, mugak zituen espazioak.

– Soinean daramagun haurra mugimendu etengabean dago. Helduaren mugimendua zein arnasketa, bihotz taupadak zein liseriketak sortzen duten mugimendua sentituko ditu, sabel barnean sentitzen zuenaren oso egoera antzekoa biziz.

– Kontaktu fisikoa oinarrizkoa da garapen neuroendokrino egokia eman dadin. Kontaktu fisikoak oxitozina eta endorfinak jariatzen laguntzen du, beraz haurrak, zein helduak zoriontasunaren eta maitasunaren hormonak jariatzea sustatzen du.

– Haurra eta eramalea etengabeko kontaktuan egoteak, haurtxoa lasaituko du eta bere tenperatura erregulatzea asko erraztuko du. Gainera, haurtxoa guregandik gertu-gertu izateak bere beharretaz errazago jabetzea sortuko du eta hortaz, bere beharrak negarrera iritsi aurretik asetu ahal izango ditugu.

– Gertutasun eta lasaitasun horrek, soinean daramatzagunean haurtxoek loaldi sakonak eta luzeak egiteko beharrezko ingurunea sortuko du, eta hortaz, atseden hartuko du guk egin beharrekoak burutzen ditugun bitartean.

Arnasketa erregulazioa eta liseriketarekin harremana izan ohi duten deserosotasunak arintzen laguntzen dio haurrari kontaktu eta mugimenduak.

Eta helduari mugimendu askatasuna ematen dio eguneroko gauzak lasaitasun handiagoz burutu ahal izateko.

#soineanerraz #sabeletikmundura #ikuxka

×

Powered by WhatsApp Chat

× Zalantzarik?