Erditze instrumentalizatuan haurra ateratzeko tresnak erabiltzen dira, eta kasu batzuetan, tresna horiez gain, episotomia ere egiten zaio amari.
Instrumentalizazio tasak baxuagoak dira amak mugimendu askatasuna duen erditzeetan.
Zein dira instrumentalizazio motak?
– Forzepsa: 2 pala artikulatu ditu (guraize itxurakoak) eta amaren baginan sartzen da haurraren burua heldu eta mugituarazi edo biratzeko.
Haurra zein amari zauri handiak eragiten dizkio.
– Bentosa: haurraren buruari erantsi eta bertatik tiraka ateratzen da haurra.
Haurrari ubelduak edo haztura handiak sortzen dizkio eta buruaren malformazioa eragin dezake. Amari episotomia luzatzea sor diezaioke.
– Espatula: Forzepsaren antzekoa baina goilara formakoa da. Ez dira 2 pala artikulatu izaten, independienteak baizik. Amaren muskulatura eta haurra apur bat banatu eta haurra ateratzeko erabiltzen da.
Erditze instrumentalizatua izan baduzu, uroginekologian aditua den fisioterapeuta batekin hitzordua eskatu eta errekuperazio egokia izatea gomendagarria da.
Erditze intrumentalizatuen arriskuak:
- Bagina, umetokiaren lepoa edo umetokian urradura eta lesioak.
- Urradura muskularrak edo uzki-esfinterrekoak.
- Sexu organuetan lesioak.
- Episotomiaren luzatzeak.
- Inguruko organuetan lesioak.
- Ubelduak edo koxix-hausteak.
- Perineoko min kronikoa.
Eta haurrarentzat:
- Markak, ubelduak, azal urradurak, zauri txikiak.
- Zauri handiak, zefalo-ubelduak, kraneo barneko hemorragiak, kraneoa haustea, aurpegiko paralisia. Mina bizitzako lehen egun eta asteetan.
[2018ko maiatzean eguneratua]
Hemen topatuko duzun informazioa orokorra da eta ez du ordezkatzen osasun zerbitzuetatik zure egoerarekiko jasorikoa. Zalantzarik baduzu, egizu kontsulta dagokion profesionalarekin.
