Podcast

Ama(t)Asunak

Amatasunaren asunei, amatasun askeei, amatasun feministei, amatasun anitzei… amatasunen ahotsa. 

Asunak sortzen duen erresumina… 

Amatasunak XXI. mendean. 

Guztiok ama ez bagara ere, guztiok gara alaba. 

Entzuteko klik egin atalaren irudiaren gainean edo BaleaFunk.eus, Ivoox eta Pocket Cast-en topatuko duzu. 

01- Osasun Mentala

Osasun mentalaz gutxi hitz egiten duen jendartean bizi gara.

Amen osasun mentalaz soilik kasu larrietan hitz egiten dugu…

Lehen atalean psikologo perinatal baten eskutik: osasun mentala.

02- Plaza

 

Plazan falta gara emakumeak.

Plazan falta gara amak.

Plazan sor daiteke plazera.

Eta amatasuna izan daiteke gozagarria. Izan daiteke indarkeriak zeharkatua.

03- Isiltasuna

 

Isiltasuna da amatasunak askotan inguratzen dituen ezaugarrietako bat.

Isiltasuna jendartean eta isiltasuna baita medioetan ere.

Ikusgarritasuna ematea, amatasun desberdinei ahotsa ematea, indarkeriak bistaratzea, bizipenak azaleratzeak… askeago egiten ditu amatasunak.

 

 

04- Iraultza

 

Iraultza osoa behar da.

Iraultza zaintzari balioa emateko.

Iraultza kapitalismoari aurre egiteko.

Iraultza teknologikoa, ekologikoa, soziala…

Amatasun feministak ez dira nahikoa haur eta nerabe feministak hezteko.

 

 

05- Justizia

Justizia justuaren bidean trabak topatzen ditugu maiz emakume izate hutsagatik.

Trabak emakumea ez delako zentrua.

Trabak ez gaituztelako sinisten.

Trabak justiziak batzuetan justutik gutxi duelako.

Justiziaz eta amatasun biologikoaz…

 

 

 

06- Herio

Bizitzaz hitz egiten badugu ezinbestean heriotzak ere tokia behar du.

Heriotza haurrekin lantzea, heriotza helduok barneratzea… doluak bizitzea eta zeharkatzea.

Heziketa, amatasuna eta bizitza.

 

 

07- Ondarea

Ondareaz hitz egiten dugunean sarri ahaztu egiten dugu garena bagarela gure bizipenei esker, gure arbasoei esker eta baita esperientziei esker ere.

Ondareaz, bizigarritasunaz eta sormenaz hitz egin digu Nora Barroso Moreno EHUko irakasle eta sortzaileak.

 

 

08- Anbibalentzia

Anbibalentzia izan daiteke amatasunei lotuta oso maiz emakume askok sentitu dutena.

Oraindik tamalez ama irudikatzean familia heterosexualaren irudia datorkigu maiz…

Amatasun bolloez, familia eta zaintza ereduez… 

 

 

09- Postureoa

Sare sozialekin lan egiten duen profesionala aritu zaigu amatasun errealez eta postureoaz hitz egiten gaurkoan.

Sareen gazi-gozoaz eta bakardadeaz aritu zaigu umore ikutu eta egia askorekin.

 

 

10- Askatasuna

Amatasun feminista eta bizitza ez dira errazak askatasunik gabe. Askatasun ekonomikoa du gakotzat gaurko amatasunaren asunez izan dugun solasaldiak.

Askatasun ekonomikoa eta ama “eroa”, eredugarria izatearen garrantzia.

Lana eta zaintzaren arteko erabakiak hartu beharra.

 

 

 

11- Umorea

Asunez hitz egiten dugunean sarri dena beltz ikusteko joera izaten dugu… eta umorea oso tresna garrantzitsua izan daiteke egoera orori aurre egiteko.

Umorea bizitza ikusteko modu bat da, kutsakorra eta gazi-gozotik baduena.

Ama izan edo ez izan presioaren inguruan eta izeba izateaz aritu gara Mirari Martiarena Iraolarekin.

 

 

 

12- Espazioa

Bizigarritasunaz hitz egiten dugunean berebiziko garrantzia du espazioak. Espazioak norentzat diseinatuak daude? Non daude arriskuak? Non daude lehentasunak?

Espazioak berak ere baldintzatzen du gure bizitza eta amatasunaren asun handi bihur daiteke.

 

 

13- Trantsizioa

Amatasun feminista izan daiteke traba generoaz ari garenean?

Zer behar du trantsizioan dagoen haur batek?

Zer bizi du familiak?

Prest al gaude haur hauen beharrei erantzuteko?

 

× Zalantzarik?